كيفيه عمل البضه المسلوقه مع الشاي

السلام عليكم حبايب
طبعا البارحه او قبلها كتبت كيفيه عمل البيضه المقليه الان رح اعلمك البيضه المسلوقه اول شئ تجيبين البيضه تريديها حمراء او بيضه براحتك لكن شوف البيضه زينه لو مو زينه حلو لو مو حلوه لان تاثر على نفسيتنه المهم نجيب دله طبعا تعرفون الدله شنيه مو حبايب المهم اكو طريقتين الاولى نضع البضه هي وقشرها داخل الدله ونخليها عشر دقايق ولكن بعد متصير خمس دقايق نضيف لها الملح داخل الدله وذلك لكي تتقشر بسهوله هذه الطريقه الاولى
اما الاخرى فنجيب طاوه صغيره الحجم نضع فيها ماء وبعد ان يغلي نضيف له الملح وبعد ذلك نطك البيضه بوعاء او مايسمى الطاسه داحجي بالعاميه هسه وهذه البضه وره منطكها منطركها لا بل هي على وضعيتها نضيفه الى الماء المغلي وبعد ذلك بالف عافيه عليكم ويه البيض
والان الشاي
طبعا تعرفون الشاي مال الحصه شلونه يخبل اصلا منستخني عنه لانه اي شاي ماكو مثله بطعمه الاصيل بالشاي المهم ياما نستخدم شاي الحصه وهو محد يستخدمه ياما نحسن من نوعيته شلون نجيب شاي الوزه او محمود او اي شاي اخر ونغبطه ويه شاي الحصه رح يصير الجاي يخبل وهسه شلون نسويه نضع ماء في وعاء الخاص بالشاي يعني بالقوري مااتفلسف عليكم وره ميفور نضع له الشاي ونتركه لكي يتهدر مده خمس دقائق على عين ناصيه وبعدين صبو للشاي وبالعافيه مني الكم
وغدا مع وجبه اخرى من الريوك رح تكون من اختياركم انتضر اختياركم للي تردوه

» فؤائد الشاي الاخضر